प्रदेश १ मा ४ सय ८३ संक्रमित थपिए, ७ जनाको मृत्यु

काठमाडौं । प्रदेश नं १ मा थप ४ सय ८३ जनामा कोरोना संक्रमण पुष्टि भएको छ ।

सातसय ७९ को पीसीआर परीक्षण गर्दा २७२ मा र एक हजार १०३ को एन्टिजेन परीक्षण गर्दा २११ को रिपोर्ट पोजेटिभ आएको सामाजिक विकास मन्त्रालयले जनाएको छ ।

सुनसरीमा १२०, मोरङमा ७५ झापामा ४०, पाँचथरमा २१, इलाम र उदयपुरमा चार । चार, सङ्खुवासभामा दुई, धनकुटा, भोजपुर र खोटाङमा एक÷एक र प्रदेश बाहिरका दुई जनामा सङ्क्रमण देखिएको थियो ।

आज ४ सय ९७ जना कोरोना सङ्क्रमणमुक्त भएकामा २४३ महिला र २५४ पुरुष रहेका छन् ।

यस अबधिमा ४ महिलासहित ७ संक्रमितको मृत्यु भएको मन्त्रालयले जनाएको छ ।