भारत क्षयरोग अन्त्यको दिशामा तीव्र गतिमा अधि बढ्दै : स्वास्थ्यमन्त्री
नेपालखोज
२०८१ फागुन १६ गते २०:५४
भारतका केन्द्रीय स्वास्थ्य मन्त्री जेपी नड्डाले सन् २०२५ को अन्त्यसम्ममा देशबाट क्षयरोग (टीबी) उन्मूलन गर्ने प्रयास भइरहेको बताएका छन् । नड्डाले पूर्वी राज्य ओडिशाको स्वास्थ्य मन्त्रालयमा आयोजित कार्यक्रममा उक्त घोषणा गरे ।
‘दिगो विकास लक्ष्य अनुसार भारतले सन् २०३० सम्ममा क्षयरोग उन्मूलन गर्नुपर्नेछ । तर, सन् २०२५ सम्ममा यसलाई हासिल गर्न हामी तयार छौं,’ उनले बताए ।
देशभर चलिरहेको १०० दिने क्षयरोग उन्मूलन अभियानमा हालसम्म पाँच लाख क्षयरोगी पत्ता लागेको नड्डाले बताए ।
क्षयरोग एक सङ्क्रामक रोग हो,जसले सामान्यतया फोक्सोलाई असर गर्छ ।
क्षयरोगीले खोक्दा, हाछ्युँ गर्दा वा कुरा गर्दा फोक्सोबाट निस्कने थोपामार्फत हावामा फैलिन्छ ।
सम्बन्धित
प्रतिक्रिया