तुलसी दिवस र दिनेश अधिकारीसँगै ५ लेखक कलिङ्ग साहित्य महोत्सवमा सहभागी हुँदै

काठमाण्डौं । भारतमा हुने कलिङ्ग साहित्य महोत्सवमा पाँच नेपाली लेखक वक्ताको रुपमा सहभागी हुने भएका छन् । महोत्सवमा नेपाली साहित्यकार तथा लोकसाहित्य विधामा तुलसी दिवस सम्माननीय अतिथि तथा वक्ताको रुपमा सहभागी हुनेछन् ।

महोत्सवमा प्रख्यात कवि दिनेश अधिकारी, कवि लेखक रञ्जना निरौला, नवोदित लेखक सुमित शर्मा समीर र नाट्यकर्मी राज शाहको वक्ता रहनेछन् । यस अवसरमा चर्चित कवि, लेखिका रञ्जना निरौला, नवोदित लेखक सुमित शर्मा समीरले प्तिष्ठित केएलएफ बुक अर्वाड प्राप्त गर्नेछन् । तुलसी दिवस एक नेपाली साहित्यिक व्यक्तित्व र लोकसंस्कृति विधा हुन् । आधुनिक नेपाली कवितामा उनको ठूलो योगदान छ ।

प्राध्यापक दिवसले अमेरिकास्थित नेपाली दूतावासमा सांस्कृतिक सचिवको रूपमा काम गर्नुका साथै विदेशका विभिन्न विश्वविद्यालयमा भिजिटिङ प्रोफेसरका रूपमा अध्यापन गरेका थिए । उनी अहिले नेपाल प्रज्ञा प्तिष्ठानका आजीवन सदस्य र नेपाली लोकगीत समाजका अध्यक्ष छन् । महोत्सवको उद्घाटन समारोहमा दक्षिण एसियाका दिग्गज साहित्यकारहरुका साथमा प्रोफेसर दिवासा विशेष अतिथिको रुपमा रहनेछन् । उनले दक्षिण एसियाली लोककथा, लोकगीत र लोक संस्कृतिका विभिन्न सत्रमा पनि भाग लिनेछन् । उनले साहित्यको पछिल्लो प्रचलनमा बोल्ने र बहुभाषिक कविता सत्रमा नेपाली कविता वाचन गर्नेछन् । प्रख्यात कवि दिनेश अधिकारी नेपालका चर्चित कवि तथा गीतकार हुन् ।

अधिकारीका कविता र गीतले जनताको पीडा मात्र बोल्दैनन्, समाजलाई राम्रो बाटोमा डोहोर्याउने प्रयास पनि गर्छन् । कवि तथा गीतकार अधिकारी आफ्नो लेखनमा कालो मानवीय यथार्थलाई लिन सक्षम छन् । अधिकारीले आफ्नो भावना व्यक्त गर्न स्वदेशी वाक्यांश र मेटाफोर्स प्रयोग गर्छन् । दिनेश अधिकारी बहुप्रतिष्ठित मदन पुरस्कार र सुप्रबल गोरखा दक्षिणबाहुलगायत २० भन्दा बढि प्रमुख पुरस्कारबाट सम्मानित भएका छन् । उनी धेरै सत्रहरूमा वक्ताको रूपमा सामेल हुनेछन् । प्रख्यात साहित्यकार रञ्जना निरौला नेपालकी बहुआयामिक व्यक्तित्व हुन् ।

जसले आफ्नो दैनिक जीवनमा विभिन्न भूमिकाहरू निभाइरहेकी छिन् । आफ्ना सुन्दर शब्द र भावको समन्वयद्वारा नेपाली साहित्यलाई समृद्ध बनाउन तथा नेपाली र अङ्ग्रेजी साहित्यमा लोकप्रिय कवि हुनदेखि कवि, सम्पादक, प्यानलिस्ट, अनुसन्धानकर्ता, साहित्यिक समीक्षक, क्युरेटरदेखि वक्तासम्म रहेकी छिन् ।

उनले आफ्नो पुस्तक “अनुभूतिको अवतरण“ निबन्धसंग्रहका लागि बुक अवार्ड प्राप्त गर्नेछिन् । उनको नयाँ अङ्ग्रेजी कविता कृति ’द रिदम अफ पेन’ औपचारिक रुपमा महोत्सवमा सार्वजनिक गरिने छ । यसैगरि नवोदित लेखक सुमित शर्मा समीरले आफ्नो पहिलो पुस्तक ’वेक अप अली, वेक अप नाउ’ को लागि बुक अवार्ड प्राप्त गर्नेछन् ।

वार्षिक प्रतिष्ठित कलिंगा लिटरेरी फेष्टिबल २४ देखि २६ फेब्रुअरी सम्म (मन्दिर शहर) भुवनेश्वरको स्वस्ति प्रिमियम होटलमा सञ्चालन हुनेछ ।

आफ्नो नवौं वर्ष मनाउँदै, महोत्सवले जीवनका सबै क्षेत्रका लेखकहरू वक्ताहरू, विचारकहरू र मानवतावादीहरूको आवाजलआई समन्वय गर्नेछ । साहित्यिक कार्यक्रममा १० देशहरू र २५ भन्दा बढी भाषाहरूद्वारा प्रतिनिधित्व गर्ने भाषा विविधताको विशिष्ट समायोजन हुनेछ ।

२०२३ संस्करणको लागि महोत्सवले विभिन्न राष्ट्रबाट ५ सय भन्दा बढि वक्ताहरू, साथै नोबेल, बुकर, अन्तर्राष्ट्रिय बुकर, साहित्य अकादमी र अन्य धेरै जस्ता प्रमुख पुरस्कारहरू प्राप्त गर्नेहरूलाई सम्बोधन गर्नेछन् ।