आईसीसी एकदिवसीय विश्वकप छनोट : भोलि नेपाल र अमेरिकाबीच खेल हुने

काठमाडौं । आईसीसी एकदिवसीय विश्वकप छनोट प्रतियोगिता अन्तर्गत भोलि नेपाल र अमेरिकाबीच खेल हुँदै छ ।अमेरिकाविरुद्ध नेपालको उक्त खेल टाकासिंगा स्पोर्टस् क्लबमा नेपाली समय अनुसार दिउँसो पौने १ बाट सुरु हुने छ ।

आईसीसी एकदिवसीय विश्वकप छनोटमा नेपाल र अमेरिकाबीचको खेल पहिलो पटक हुन लागेको हो । एकदिवसीय अन्तर्राष्ट्रिय (ओडीआई) मा भने नेपाल र अमेरिकाबीच धेरै पटक खेल भइसकेको छ । 

हालसम्म नेपाल र अमेरिकाबीचमा ६ ओडिआई खेलमा भेट भएको छ । ६ भेटमा नेपाल ३ पटक विजेता हुँदा अमेरिकाले २ पटक जितेको छ । दुईबीचको एक खेल भने टाई भएको छ । 

नेपाल र अमेरिकाबीचको पहिलो ओडिआई खेल विश्वकप लिग टू को नेपाल सिरिज अन्तर्गत भएको थियो । नेपाल र अमेरिकाबीचको पहिलो खेल २०२० फेब्रुअरी ८ मा भएको थियो । सो खेल नेपालले ३५ रनले जितेको थियो ।